Vitoria-Gasteizko etxebizitza partikular batean aprobetxatutako espazioa
Interiorismoa: Quefalamaria
Proiektua gauzatu zen urtea: 2022
Kokalekua: Vitoria-Gasteiz
Erabilitako materialak: Lacados, laminados y madera de roble.
Argazkiak: Felipe Scheffel
Etxebizitzaren sarrerako hall-a
Etxebizitzaren sarrerako hall-erako, neurrirako eserlekua egin genuen, izkinan jartzeko. Gure laminatuetako batekin eginda dago Finsa, Quefalamaria interiorismo-estudioak aukeratutakoa, hain zuzen ere. Behealdean banaketa batzuk egin genizkion eta tarte batzuk utzi genituen, erabiltzeko zein apaintzeko liratekeen otzara batzuk jartzeko. Eserlekuaren ezkerrean etxebizitzaren jabeek aurretik zeukaten tiradera-altzari bat jartzeko tartea utzi genuen. Armairuak zuriz lakatutako ateak ditu goian zein behean. Haritz-egur naturalezko hutsartea sortu genuen erdialdean; barrualdea, aldiz, laminatuarekin egin genuen, gabanero modura, gauzak eskegitzeko elementuekin eta apalekin.
Haurren logela
Haurren logelarako, oso trenkada originala egin genuen, sabaitik lurreraino doana. Horrela, argia pasatzen uzten da eta ohearen eta ikasketa-eremuaren arteko bereizketa egiten da. Haritz-egur laminatua erabili genuen, etxebizitzaren gainerako espazioetan erabilitako materialen ildo beretik joateko. Trenkadak hainbat apal dauzka eta horietako bakoitzaren altuera desberdina da. Gainera, idazmahaiaren gainaldea eusteko balio du. Idazmahaiak, bestalde, zuriz lakatutako tiraderak ditu beste aldean.
Haurren gelako ateen kasuan, zuriz lakatutako ate lerragarri bat egin genuen, bi metro eta erdiko altuera duena. Heldulekuak integratuta ditu, taularen beraren altueran. Erpuruekin tira egiteko heldulekuak dira, altzairu herdoilgaitzezkoak. Beste aldean egin da beste logela, haurrentzako jolaslekuarekin. Atea ireki ostean, hura ezkutatzen duen trenkada batekin bi gela banatzea da helburua. Armairuak tope egiten du atea ixten denean. Ate horren aurrean haritz-egur laminatuarekin egindako apalategia daukagu, sabairaino doana. Ikusi ezin bada ere, apalategiaren behealdetik ohe bat atera daiteke. Horrela, espazioak hainbat erabilera izan ditzake, jolaslekua zein gonbidatuentzako logela izan baitaiteke.
