Miguel Angel Blanco udal kiroldegia. Ermua

Lanaren urtea: 2014

Lekua: Miguel Angel Blanco udal kiroldegia. Ermua Bizkaia

Erabilitako materialak: compacmel materiala

Ebanisteria eta interiorismo proiektuaren xehetasunak

Ermuko Miguel Ángel Blanco kiroldegiko lana compacmel izeneko material berri batez egin genuen, bi tonutan; laranja eta grisa. Juntura guztiak ingletean egin genituen, materialaren ertzek duten kolore beltza ikus ez zedin.

Oso produktu gogorra da, gimnasioetako dutxetako dentsitate handiko material estratifikatua ordezteko diseinatua, hezetasuna jasaten duelako, baina, batez ere, fatxadetarako oso egokia da. Compacmel materialak ez du hezetasuna eta ura hain ondo jasaten baina oso gogorra da eta, beraz, barrualdeetan erabilera handia izateko baldintza guztiak betetzen ditu.

Kiroldegietan pertsonen joan-etorri etengabeak egoten dira. Barrualdean (ez da ikusten argazkian) tiraderadun mahaiak eta beharrezko elementu guztiak daude, baita argiteria eta kiroldegiko aparailu guztiak kontrolatzeko teklatu bat ere.

Aurrealdean, hondo laranjarekin konbinatutako pieza gris bat ikus daiteke. UKE Ermua eta kiroldegiaren logotipoa ikus daitezke han. Zenbakizko kontroleko makina erabili dugu letra barneratuak egiteko eta hondoko kolore laranja agerian uzteko.

Mostradorearen atzean, bi zutabe daude; ezkerrekoa benetakoa da eta eskuinekoa imitazio bat da, mostradorean erabiltzeko gauzetarako biltegi batera daraman ate txiki batekin. Horren helburua izan zen ikusizko simetria bilatzea aurreko aldetik begiratuta.