Gestamp enpresaren bulegoak, Zamudioko Teknologia-parkean

Barne-diseinua: TRABE Asociados

Lanaren urtea: 2014

Lekua:Zamudioko Teknologia-parkea. Bizkaia

Gestamp enpresaren bulegoak, Zamudioko Teknologia-parkean

Trabe estudioaren barne-diseinua. Ibilgailuetarako piezak fabrikatzen dituen enpresa honetarako egin ditugun lanetako lehenengoa. 1.500 metro koadro dituen lokala da, hainbat zatitan banatuta: harrera lekua, langune orokorra eta zuzendaritza. Azken horretan, halaber, bulego nagusia eta bilera gela daude.

Bulegoko zoru osoa moketaz dekoratuta dago eta sabaia lauza gris ilunez estalita dago. Banatze-elementu gisa zuresi listoidunak erabili ziren, Trabe Interiorismo estudioaren diseinuari jarraikiz. Zuresian, forma desberdinetako konposizioak egin ziren 8 x 3 zentimetroko ebakidura duten listoiekin: oin makotudunak, suge itxurakoak, ilargi erdikoak etab. Jabeek zonalde bakoitzerako adierazitako beharretara egokitu ginen.

Oso lan zaila izan zen, zur trinkoa erabili genuelako eta horren ondorioz arazoak izaten direlako listoiak elkarren artean modu orekatuan ahokatzeko, bakar bat ere hautsi edo aska ez dadin, bestela, zuresia okertzen hasiko bailitzateke edo listoien artean tarteak irekiko bailirateke.

Zur trinkoarekin lan egitean, beti hartu behar da kontuan balitekeela apur bat mugitzea, material bizia denez, lokaleko hezetasunaren arabera erreakzionatzen duelako. Kasu honetan, mekanizatuen bidez ezarri genituen, ez genituen soilik listoiak elkarrekin lekedaz itsatsi. Horrela, listoiei apur bat mugitzeko aukera eman genien eta arrakalak edo hausturak agertzea eragotzi genuen.

Hasteko, txantiloi bat egin genuen zenbakizko kontroleko makinarekin eta zehatz-mehatz erreproduzitu genuen Trabe estudioaren diseinua, listoiak kokatzean gida gisa erabiltzeko; gida bat zoruan eta beste bat sabaian jarri genuen eta, ondoren, horren kontra finkatu genituen listoiak, perfektuki lerrokatutako kurba harmoniatsua eginez.

Zurari akabera emateko, poroak irekita zeudela bernizatu zen, zur natural leuna laztantzearen sentsazioa emateko. Ez genuen zura gehiegi estali nahi, material artifizialaren itxura har zezakeelako.

Pieza guztiak elkarrekin sendo lotuta utzi genituen, baina zuresiaren zati batzuk libre utzi behar izan genituen barruko instalazioetan sartu ahal izateko eta barrualdeko pintatze- eta mantentze-lanak egin ahal izateko.

  • Bulegoa zatika bukatu genuen dekoratzen:
  • Pagozko panelatze laua zorutik sabaira beta horizontalki kokatuta.
  • Zentimetro bateko tarteak taulen artean.
  • Tonu naturaleko berniz geruza oso fina eman genien bulego nagusiko, bilera gelako, harrera gelaren atzeko aldeko (argazkietako batean ikus daiteke) nahiz harrera gelaren atarteko elementuei, baita bulegora igotzeko eskailerari ere.

Argazkian ikusten den mostradorea modu berezian dekoratu genuen: tonu naturala eta wenge kolorea konbinatu genuen, altzairuz estalitako zutabeekin ondo eman zezan. Mostradoreak ez dauka zoruaren gaineko oinarririk, taulaz estalitako zutabeen arteko egitura metalikoa baizik eta barruan bere funtzioa betetzeko beharrezko ekipamendua du.

Tonu natural eta wengearen arteko konbinazio berbera erabili da zuzendariaren idazkariaren mahairako. Bilera gelan elementu berezi bat nabarmen daiteke: zurezko xaflarekin eta larrua konbinatuz estalitako mahaia, metalezko egiturarekin.

SARE SOZIALETAN ELKARBANATU
FacebookTwitterLinkedInPinterestEmailGoogle+EvernoteWhatsAppBuffer