Amorebietako etxebizitza baterako zurezko altzariak

Dekorazioa: SUBE CONTRACT

Lanaren urtea: 2011

Lekua: Amorebieta. Bizkaia.

Erabilitako materialak: Dentsitate ertaineko (DE) taula.

Amorebietako etxebizitza baterako zurezko altzariak

SUBE Contract enpresarekin lankidetzan aritu gara etxebizitza honetako zenbait altzari fabrikatzeko. Jarraian azalduko dizuegu nola erantzun genien logela nagusiko oheburukoari nahiz gazteen logeletako bateko idazmahaiari zegokienez dekorazio-estudiotik planteatu zizkiguten beharrei.


Logela nagusiko oheburukoa lakatua izan behar zen, DEko taulaz egina eta 3 zulo hondoraturekin. Goiko zuloak gau-mahai osagarri gisa funtzionatu behar zuen eta alboetako biak gau-mahaiak instalatzeko prest egon behar ziren.

  • Barne-egitura osoa pinu zurezkoa izango zen eta junturak ingletetan, hau da, 45 graduko angeluetan ahokatutako taulez egingo ziren, erabilitako taulen ertzak ez ikusteko eta, horrela, piezek bloke zizelkatu bakarraren itxura izateko.
  • Hormara lotzeko, ez zen inolako moldura edo zumitz gainjarririk erabili; elkarketa egiteko, juntura garbiak egin genituen perimetro osoan.
  • Alboetako zuloetan, neurrira egindako bi gau-mahai ipini genituen, SUBE Interiorismo estudioak emandako diseinuari jarraiki; tiradera batez eta hutsune batez osatutako modulua.

Tiraderek metalezko lerragida ezkutua daramate, emeki ixteko sistemarekin. Gurutze forman muntatutako pago trinkozko hankek eusten diote modulu osoari; pagoa gai denez pisuak apurtu gabe eusteko eta, aldi berean, ez denez gehiegi uzkurtzen edo hedatzen tenperatura aldaketekin, material ezin hobea da lakatzeko.

Oheburukoaren kasuan bezala, juntura guztiak ingletez egin ziren, 45 gradutan. Oskol itxurako eskulekuak erabili ziren, garai bateko estiloak multzo osoaren itxura modernoarekin uztartuz.

Idazmahaia tapa laukizuzenarekin eta DEko taula lakatuz egitea planteatu zen (material horrek lakatzeko ezaugarri idealak ditu, egonkorra delako eta ia ez delako junturetan mugitzen).

Altzaria fabrikatzeko lehenengo pausua beheko tiradera-modulua izan zen; barrutik zein kanpotik lakatutako bi tiradera ditu, metalezko lerragida ezkutuarekin eta kolperik gabe ixteko Hettich marka alemaniarraren sistemarekin; marka horrek irekitze kopuru minimo bat bermatzen du, hurrengo 15 urteetan lerragidez ahazteko beste!

  • Modulu horren gainean, DEko tapa ipini zen, torloju bidez lotuta eta goiko gainazala laka gogorragoz tratatu genuen, gehien erabiltzeko zatia baita.
  • Horren gainean, bi tiraderadun bi bloke. Kasu horretan, tiraderak txikiak izanda, lerragidarik gabeko sistema zaharrak erabili genituen. Tiraderak doi-doi ahokatuta, lakari esker irristatzen dira eta euren lekutik ez ateratzeko geldigailua daramate.
  • Con la tapa superior conseguimos una repisa muy útil para su uso y todo el conjunto lo fijamos a pared de lamas molduradas colocadas previamente en todo el paramento, lamas de 20 cm, machihembrado para su montaje y pegadas a pared con adhesivos de secado rápido. Finalizado con un remate superior e inferior en las juntas con techo y suelo.
  • Goiko taparekin batera oso multzo erabilgarria lortu genuen eta aurretik paramentu osoan ipinitako xafla molduratuzko horman finkatu genuen; xaflek 20 cm dituzte, mihiztatuta muntatu genituen eta lehortze bizkorreko itsasgarriz finkatu genituen horman. Bukatzeko, erremateak egin genituen sabaiarekiko nahiz zoruarekiko junturetan.
SARE SOZIALETAN ELKARBANATU
FacebookTwitterLinkedInPinterestEmailGoogle+EvernoteWhatsAppBuffer