Bilboko Gallinero Taberna zaharberritzea

Barne-diseinua: SUA Interiorismo (Susana Gil – Ignacio Andreiñua)

Lanaren urtea:  2014

Lekua: Gallinero taberna. Poza lizentziatua kalea. Bilbao

Erabilitako materialak: pinu zur mardula eta pago zura

El gallinero tabernaren berrikuntzaren xehetasuna. Bilbo

Bilboko Poza Lizentziatuaren kalean dago. Irudia erabat aldatzeko zaharberritu da taberna. Material naturalekin girotuta dago. Batez ere pinu zur mardula eta pago zura erabili ditugu.

Kasu guztietan, oso berniz mateak erabili dira, eta ia nabaritu ere ez da egiten berniza dagoenik.

Barrako estalkiaren kasuan, berniz solidoagoak erabili ditugu gutxieneko erresistentzia bermatzeko. Zura neurri handiagoan estalita geratzen da, eta, era berean, erresistentzia handiagoa du. Hala, inguruko paneletan lor dezakegun itxura naturala galtzen du.

Pinu zurari tindagaien tratamendua eman zaio. Horietan, zuraren poroak eta korapiloak ikus daitezke; lokalari kolorea ematen diote.

Pago listoidun barra egin zen. Hala, lehengo barra estali zen barraren eta trenkada bertikalaren arteko lotura ahuldu ez zedin.

Botilategian ikus dezakegun bezala, antzeko panela egin da. Halaber, hainbat koadro egin dira oilategi-saretoa jartzeko. Barruan, zurezko txirbilak ditu itsatsita, benetako oilategiaren itxura emateko.

Barraren atzeko altzaria lokal osoarekin bat dator. Beltzez lakatutako bi horma-atal handi daude. Hala, bezeroentzako menuak edo mezuak idazteko 2 gainazal ditu.

Amaitzeko, sabaian jabeak emandako saski ugari jarri genituen estetikaren funtzioa betetzeko (zumea dekorazio osoarekin bat dator). Soinua ezin hobeto xurgatzen du, eta egokia da mota honetako lokaletarako.

Bainugeletako ateak aurreko paneletan erabat sartuta geratzen dira. Argazkian, pinu oholak eta Z erraldoi bat ikus ditzakegu bi ateak (emakumeenak eta gizonenak) inguratzen. Sukalde irekiko atea ere inguratzen du.